[飲食] 荃灣Olive Cafe新年聚

這餐是新年夫家的聚會,
其實是挺好的決定,中式節日食西餐,西式節日食中餐。
﹙只是小朋友有點坐唔定,掛住睇車車。﹚

這是餐廳位於荃灣,性價比高,價格相宜,而且味道很好。
環境都唔錯,是位於新領域廣場地下,
是荃錦中心往中染方向的天橋轉彎位,
沒有為餐廳環境及門口拍照是我的特色,
但我敢說這是不錯的選擇。
除了我們之外,其餘幾檯客人都是家庭聚會。

講一吓食咗乜,
奶奶拍的照片,我食飯很懶只拍一兩張就算。哈!

牛扒
牛扒,看起來很好味。﹙為什麼是看起來呢?﹚
﹙因為身為燥熱的孕婦我不能吃…﹚
看一看也是很好的。吃的那位也說很不錯。

烤羊架
烤羊架,據說是很可口的一道菜,
但羊肉我不能吃啦…身為燥熱孕婦界的代表,
卸貨後很多東西要吃,
我的Bookmark已經整整一大本了,
哈哈哈哈!

烤三文魚天使麵
烤三文魚天使麵,這個我也是沒有吃,
為什麼呢,也是因為孕婦的口味變得奇怪了,
但看起來真的很吸引很吸引!

黑松露芝士Pizza
黑松露芝士Pizza,這個我有吃我有吃!
說實話做得很好,芝士味很夠,我是芝士控呢!
這個主要是點給我兒的,
但他未吃過黑松露比較抗拒,
結果只吃了很多的餅底orz
還好啦兒子,你長大後就會懂得帶女朋友去吃的了。

IMG_20180218_195753_HHT
這是鄙人吃的晚餐,黑毛豬扒,烤得非常之好,
兒子也很喜歡這道菜,豬扒肉汁還在,熱熱的上盤,
還有一些酸酸甜甜的芥末醬﹙也不知道是不是﹚
﹙對!我也不記得自己吃了什麼﹚反正就是10粒星的推介!

對了這家餐廳還在播我最喜歡的歌曲,
幸好兒子要我帶他去隔壁的寶馬陳列室看車,
不然就沒留意到了。

這是一個不錯的新年開端。祝大家一個美好的週末。

Olive Cafe
荃灣西樓角路1-17號 新領域廣場 地下G4號舖
Phone No.: (852) 2412 3836
營業時間:- 星期一 至 星期日 11:30 – 23:30
午餐時段:11:30 – 15:00
下午茶時段:15:00 – 18:00
歡樂時光:16:00 – 22:30
晚餐時段:18:00 – 22:30

[飲食] 去羲和雅苑吃片皮鴨吧!

多謝前輩L君又帶我見識見識!
是夜飯局少了一人,不過菜式依然精彩。
餐館在尖沙咀海港城轉左直行到最尾,慢行真係要行10分鐘。
不過夜色唔錯,坐嘅位置望到ICC同維港。

我到嘅時間前輩已經等梗我,真係慚愧。
印象中喺香港食過最好味嘅片皮鴨都係前輩帶我去食嘅大都烤鴨,
如果說北京樓片皮鴨係標準,咁嗰間係標準以上。
事實上又覺得香港比喺北京食嘅更好味。
喺北京我只食過便宜坊同全聚德。
可能我始終長著一個香港舌頭。

羲和雅苑比其他片皮鴨特別在,夠多餅皮!﹙大愛﹚
同埋啲醬幾好味。
藍莓果醬配鴨真係估唔到咁夾!
仲有話梅條都好好味。

海蜇頭

海蜇頭,涼菜小吃,我記得有花椒味,好鍾意食呢個前菜。

芝麻花生酥

芝麻花生酥,你估唔到嘅做法,竟然係熱嘅!同埋真係酥,唔係我哋食開啲花生糖感覺。

好像是涼拌鳳爪

這張圖是證明我為什麼很少寫我吃了什麼,因為我忘了!好像是涼拌鳳爪一類的東西!

磯煮鮑魚

磯煮鮑魚,這個我記得!鮑魚很細心地已經切開了,煮得入味!推介!

酥皮酸辣湯

酥皮酸辣湯,好熱,小心!但係好好味!呢個都係推介。
估唔到酸辣湯可以做酥皮。

動感豆腐

動感豆腐,因為有木魚絲,所以很動感。我是很喜歡吃木魚絲的人,哈!

炒通菜

炒通菜,真係唔好睇少呢味通菜,真心好食!全晚最佳!推介!
真係好好味架!


講咗咁多,終於到主菜上場,片皮鴨!
喺Openrice一搵就搵到好多比我更靚更專業嘅食評。
我嘅食評就係,爆炸糖都係單獨食好。
但藍莓醬同片皮鴨又神奇地夾喎!

楊枝甘露

楊枝甘露,食完葷菜,要食啲甜品平衡吓。我好似食咗一整個芒果落肚!

杏仁豆腐
杏仁豆腐,以一個清甜嘅食品作為今晚嘅總結,感覺好正!

[飲食] 新同樂之夜

好幾個月之前嘅事。
鄙人嘅榮幸,認識咗前輩L君。
前輩為人低調,而且見多識廣,每次聚會均獲益良多。
尤其是前輩對飲食嘅認識,畢竟曾經從事酒店界,
每次飯局均細心安排,令我呢個晚輩汗顏。

講返新同樂,侍應真係好影響一間餐廳嘅質素。
其實分咗兩次去食飯,第一次可能係兼職侍應,第二次遇著嘅係熟手侍應,
一餐飯嘅氣氛、落單上菜節奏,完全可以受影響。
所以咪話侍應唔係專業,想一餐飯食得好,睇你好唔好彩遇上一個好嘅侍應。
餐廳裝修、食物質素、侍應專業三樣嘢都好重要。

第一次去食覺得米芝蓮都不外如是,第二次去食,感覺唔同晒。
多謝前輩L俾我呢個覆桌嘅機會。

講吓食咗乜。

焗蟹蓋

焗蟹蓋,其實係前輩食,我要戒口只係淺嘗咗少少,
唔洗我拆肉嘅蟹蓋,當然係Wonderful啦!

蟹粉小籠包

蟹粉小籠包,真心要讚好味,湯同葷配得天衣無縫,皮唔厚。

叉燒明蝦球

叉燒明蝦球,我忘記係咪呢個名,總之就係叉燒同蝦球。
送飯一流,不過相對其他菜嚟講真係比下去。

炸蟹鉗

炸蟹鉗,鄙人未食過好嘢,而家酒樓食嘅,多數都係蟹&蝦膠搓成一個球,加炸粉炸咗佢。
而呢個真係嘅蟹鉗!係真蟹鉗嚟架!真架!炸嘅面包糠又好薄。
所以我話,叉燒明蝦球又點比得上真正炸蟹鉗呢!

蝦多士

蝦多士,呢個又係正嘢,完整一隻蝦架!
不過前輩話,佢小時候食嘅真正蝦多士,係有埋條蝦尾插喺度嘅。
鄙人已經好滿足,蝦多士喎!西多士我就食得多。

蛋撻&燕窩笑口棗

蛋撻&燕窩笑口棗,我又係忘記個燕窩笑口棗嘅真名,其實都幾好味,
不過唔算突出。
不過,有無人咁特別,要食蛋撻做甜品呢?哈哈哈!我諗只有前輩L會咁樣做。

核桃露

核桃露,呢個甜品我俾10個LIKE!真係勁好味!唔係甜,真係有核桃嘅味道。

仲有叫其他菜,不過,忘了影相,﹙好似仲有糯米飯﹚
之所以鄙人好少講自己食咗邊間,食咗乜嘢。
事關我…係嘴巴先食,相機,忘了他吧。

年三十晚,祝大家有一個愉快的新年。